Charles Karemano

Nk'uko naraye mbikubwiye, UWUBUBA ABONWA N'UHAGAZE. Et l'inverse n'est pas vrai. Niyo mpamvu ituma kukubona binyorohera ariko wowe kumbona bikakugora.

"Hashize iminsi mike umuntu yibaza impamvu utajya ahagaragara. Abenshi bibazaga n'uko usa kuko ntawujya akubona aho abandi bari: mu nama, mu bukwe... Uwashyize ifoto yawe ahagaragara iyo umubona ntiwari kumusiga." (Charles KAREMANO)

1. Birashoboka ko twaba tudataha amakwe amwe. Uramutse ariko wemeje ko waba waratashye amakwe menshi kundusha waba ubeshye. Umutego wanga ikinyoma ushibuka nyirawo akihahagaze. Shyira ahagaragara amakwe watashye muri uyu mwaka, najye nguhe lisiti y'ayo natashye, maze turebe urusha undi amakwe menshi.

Mu kwezi gushize natashye ubukwe bw'abanyakinyaga RURANGANGABO na KAYUMBA. Bwatahiye ahitwa i Berchem - Antwerpen- Belgium. Umukwe mukuru yari Faustin Twagiramungu. Umusangwa mukuru yari Jean Baptiste Byilingiro. Nta Charles Karemano nigeze mpabona.

Ngaho nawe mbwira amakwe nk'abiri watashye ntuyambonemo (najye ubwo ndahita nguha ilisiti y'andi makwe ane... bityo bityo...).

Mu cyumweru gishize nari mu birori bya batisimu by'abuzukuru ba Félicien Kabuga ahitwa Rhodes St Genèse. Hari abantu benshi bari batumiwe n'imiryango y'abakwe ba Kabuga bombi Ngirabatware François na Ribanje. Ntabwo nigeze mpakubona...

2. Uwashyize ifoto yanjye ahagaragara ndamuzi: ni JYE JYEWE, JYE JYENYINE. Nabikoze mbisabwe n'umunyarubuga Rwoga Mustafa. Ashobora kumbera umugabo. Niba nawe Charles Karemano hari andi mafoto yanjye wifuza kubona, ubinsabe urebe ko ntayagushyirira ku rubuga kugira ngo ushire amatsiko.

"Ugomba kuba warahiye ubwoba ngo noneho ubwo ifoto yawe igaragaye bazagufata! Baragufata se wakoze iki?" (Charles Karemano)

Ndabona wibaza ukisubiza. Igisubizo wihaye niba kitakunyuze umbwire nkongerereho ikindi.

URONGERA NANONE UTI:

"Mu banyarwanda hari abarwayi (complexés)." (Charles Karemano)

Abanyarwanda complexés ni byo koko bariho, ariko ntawageza ah'umukambwe witwa Charles Karemano, le lèche-bottes par excellence: lèche-bottes du Général Juvénal Habyarimana d'abord;

lèche-bottes du mwami Kigeri Ndahindurwa ensuite; lèche-bottes de l'ALIR, des FDLR et des FOCA; lèche-bottes du Général Paul Kagame depuis le 7 mai 2004. Même l'inénarrable Anastase Gasana n'a pas pu faire mieux.

Iyo myitwarire yawe niba utayiterwa na complexe uyiterwa n'iki?

URAKOMEZA UGIRA UTI:

"Uranyita opportuniste ubishingiye he? Ni aujourd'hui ni hier. Je suis un homme libre, mon cher Murayi." (Charles Karemano)

NANJYE NTI:

Icyo nshingiraho nakikubwiye, niba wifuza ko nkigusubiriramo reka nkigusubiriremo:

Bwakeye Mzee Charles Karemano ni umuja w'IKINANI Habyarimana Juvénal; kubera ko IKINANI kitagwaga nabi, kibonye azi gukoma amashyi cyane, kimugize "ambasaderi" wacyo. Saa sita itaragera ngo wiyumvamo ubu "Social Démocrate Républicain". Ku gicamunsi uba wabishingutsemo uhitamo kujya kwibera umugaragu mukuru w'ibwami kwa Kigeri Ndahindurwa. Ku mugoroba, uba wirukankiye abo muri ALIR, FDLR na FOCA. Mu mataha y'inka ndabona ugeze mu nkundarubyino za Afande PC Paul Kagame. Aho uzaba uri ejo nawe ubwawe ntabwo uhazi. Opportunisme iruta iyo ngiyo ni iyihe?

URONGERA UTI:

"Sinububa, njya i Bruxelles, Anvers, i Namur, mu Rwanda, muri Amerika, muri Afurika. Aho ngiye hose mfata ijambo muruhame. Icyo nanga ni unshaka kungira igikoresho ngo muvugire ibyo yishakiye." (Charles Karemano)

NANJYE NTI:

URUBUBA, URUBUBA, URUBUBA, Charles Karemano URUBUBA. Jya umenya gusaza utanduranije cyane.

Ejobundi ku italiki 7 gicurasi 2004 wagiye mu nama i Kigali irinda irangira nta jambo na rimwe uvuze. Ni wowe ubwawe wabitwibwiriye. Niba hari iryo wavuze, tubwire iryo ari ryo.

Aho guta igihe cyanjye njya mu manama ntazagiramo ijambo, Nikozitambirwa nahitamo kutirirwa nyajyamo. Ikinyoni kigurutse kitavuze bacyita igishwi. Yozefu Ndahimana yagiye mu nama i Kigali afata ijambo ababwira icyo atekereza. Yozefu Ndahimana ntabwo ari igishwi. Mfizi Kirisitofori mwajyanye mu nama ejobundi ku italiki 7 gicurasi 2004 agezeyo afata ijambo ababwira icyo atekereza ku bumwe n'ubwiyunge. Mfizi Kirisitofori ntabwo ari igishwi. Charles Karemano yagiye muri iyo nama yo kuwa 7 gicurasi 2004 irinda irangira nta jambo avuze !!! Ni ubuhoro? Uri igishwi?

Niba utari igishwi, ngaho tubwire ijambo wabwiye abandi bahungu mwahuriye mu nama y'ubumwe n'ubwiyunge ku italiki 7 gicurasi 2004.

UWUBUBA ABONWA N'UHAGAZE , mon cher Charles Karemano!!! Et l'inverse n'est pas vrai.

Wirirwe.

**************************************************************************************

Abatabizi bicwa no kutabimenya.

**************************************************************************************
.