BALINGA ZA KARINGA: KURWANYA KAGAME NK’UMUNTU NI UGUKOMEZA GUKURIKIRA BARINGA ZA FPR-INKOTANYI.

5 juin 2015

Amakuru

Museveni amaze gufata ubutegetsi I Buganda, yaje gusura u Rwanda, atangira ijambo rye mu rurimi rw’ uruciga runyankole agira ati “Murabanya baringa?” nuko abanyarwanda bamuha amashyi n’ impundu ngo Uganda iri gutegekwa n’ umunyarwanda nkatwe, nuko hashize kabiri twumva ngo wa munyarwanda n’ abahungu be baduteye I Kagitumba. Dutunguwe!!!!!

Mbere y’ uko RPF itera muri 1990, hari ababuriye ubutegetsi bwa Habyarimana ko u Rwanda rugiye guterwa, ariko abo bantu batewe utwatsi, bisa naho ibyo bavugaga byari amateshwa. Ariko amaraso ya repubulika atemba mu bana b’ u Rwanda (Inzirabwoba) yarahagobotse, igitero cyagombaga ngo gufata u Rwanda mu minsi itatu gihindukamo intambara yamaze imyaka ine ndetse kugeza na n’ubu ntirarangira burundu. Baringa rero nakwita ibibuye RPF ijya ku musozi hejuru igahirika, noneho abahutu bakabyiruka inyuma, ni uburyo abambari b’ingoma karinga bashoboye kuva kera guhumya abahutu, bigatuma badakora ibibareba ngo bibohore.

Cyera abambari b’ingoma Karinga bagize bati, « Umwami avukana imbuto, nta kundi atorwa ». nuko Abahutu babifata nk’ ihame baba abacakara kugeza mu 1959, ubwo Grégoire Kayibanda n’ izindi ntwari zagabanyije umuvuduko w’ icyo kibuye. Nyuma bamaze kudamarara, Museveni yaraje ahirika ikindi kibuye cyo gukinga mu maso abanyarwanda, nako abahutu, icyitwa ngo “ndi umunyarwanda mwene wanyu”. Ndetse yanahawe imfashanyo n’ abahutu mu gufata ubutegetsi; Museveni yidagaduraga mu Rwanda uko ashatse, arara muri Hotel Méridien nta n’isenge ritoboye arishye.

Ariko amaze gufata ubutegetsi mu Buganda, hashize gusa imyaka 4, ahita akubita icenga rikaze leta ya Habyarimana yamushyigikiye, ayigabaho igitero 1990, aho yabeshye ko ngo ba Rwigema na Kagame, Kayumba, Kabarebe n’abandi bamucitse, kugeza n’uyu munsi yababuriye irengero.

Mu gihe cy’intambara, kandi hahiritswe ikindi kibuye bise ngo inkubiri ya demokarasi, yazanywe n’amashyaka menshi. Ba bambari ba Karinga bati, ngizo imboa zizanye. Aba bambari baciye hasi baca hejuru, maze bacengera ayo mashyaka ngo yarwaniraga demokarasi (opposition), nuko izindi baringa ziracurwa. Bati umwanzi w’ amahoro ni Habyarimana, nta wundi utuma abanyarwanda batiyunga ngo babane mu gihugu cy’ amata n’ ubuki. Iyi baringa yari ikoze neza ku buryo inshingano ya opposition yo kuzana Demokarasi no gushimangira repubulika, yahindutse “Kurwanya Habyarimana n’ akazu”. Abanyamashyaka bajugunya ibyo biyandikiye, bakurikira ikibuye cyari gihiritswe na RPF. Nguko uko igihugu cyasubiye mu maboko y’abambari b’ingoma Karinga ivuguruye, RPF-inkotanyi.

Imyaka ibaye makumyabiri, tuzi neza amakosa yabaye, n’ uko baringa za RPF zatuyobeje, ariko wagirango bamwe muri twe bikundira kwibera abahetsi b’ umwami. Abahutu bamwe nibo bafashe iya mbere bati nibyo koko genocide y’ abatutsi yarateguwe, abayikoze bari muri FDLR bagomba gufatwa nuko abandi tukigirira amahoro.

Soma nk’iyi nyandiko irimo ikiganiro Dr Anastase Gasana, wahoze ari ministre w’ububanyi n’amahanga yagiranye na Bamwanga, wari umunyamakuru kuri Radio Rwanda: Ikiganiro Gasana-Bamwanga

Abandi bati nibyo koko burya amakosa yabayeho nka revolution ya 1959. Abandi bati nibyo koko Kayibanda yatumye abatutsi bahunga, akaba ariyo mpamvu bateye. Ababyeyi b’ abahutu bati tugomba kwibagiza ikitwa ubwoko abana bacu, nyamara mu rwa gasabo birirwa bigisha amateka y’ ibirangirire by’ abatutsi. Ku by’ akarusho ariko, Abahutu bitwa ngo barize birirwa bigisha ko nta gisirikari gikenewe, kuko hari L’ONU, nyamara bene Karinga bose ari abasirikari kuva ku yonka kugera ku basaza. I Kampala, Kigali, Bujumbura, na Congo.

Ingenga bitekerezo irwanywa n’ indi

Karinga ntabwo ishobora kurwanywa n’ ijijinganya ry’ abahutu. Ubwo nanditse ibi, abahutu baraba aba mbere mu kunyamagana, ngo navuze ko bagomba gutsemba abatutsi. Ariko sibyo. Icyo mvuga nuko Abahutu ingengabitekerezo yabo igomba iyo kubangamira iya karinga niba bashaka ko urubyaro rwabo rutazahorana amarira n’ akarago ku mutwe. Bamwe muri bene karinga baje guhunga kubera inzangano zabo bwite, (abega n’abanyiginya, bapfa genocide ya Rucuncu) batangiye kwicwa nabo bahoze bafatanyije, bati “Kagame ni umwicanyi niwe wamaze abahutu, muri Congo, agahanura n’ indege, agafata n’ abagore…twebwe ibibi twakoze twabikoreshejwe ku ngufu za Kagame tutabishaka guhera muri 1990”!!!, nuko Abahutu barongera bajugunya utwo bari bamaze kugeraho, bati abakiza bazi neza Kagame baje kutubohora. Nuko imihini baraterura birukanka ku kindi kibuye kirimo gihuruduka ku musozi cyitwa “Kagame, FPR KAGAME…”.

Bahutu rero, yego ndabwira abahutu. Twasubiye mbere ya 1959. Amakosa yabaye kugirango bigerweho, ni za baringa zashyizweho n’ abacurabwenge b’ingoma Karinga, ariko kubona na nubu izo baringa cyangwa ibibuye bikirukwaho n’ imbaga y’ abahutu, bikamamazwa n’ impuguke z’ abahutu, ni imbogamizi ikomeye mu nzira yo kwibohora “Ingoyi Karinga”, cyangwa iyo nkuda kwita mu cyongereza “Hima-Tutsi Empire”.

Abo bahunga Kagame ntibaza ngo bavuge ukuri ko ingenga bitekerezo yabo ya “Karinga” ariyo iteje imiborogo mu Rwanda no mu karere kose, ntabwo bari kumwe natwe na gato. Iyo mubakurikiye mukabaha icyicaro mu gihe batari bishitura iyo ngengabitekerezo, muba mubafasha kubaka izindi nkuta za karinga. baringa yitwa Kagame bahiritse mukayirukaho, muzagaruka musange ntacyahindutse. Muzabaze abari abayobozi y’amashyaka yirutse inyuma ya baringa za RPF muri ’90, birirwaga baririmba ngo “Habyarimana navaho impundu zizavuga”. Impundu zavuze twese twarazibonye, ndetse n’ubu ziracyavuga!!

Abahutu mu karere kose mukeneye Ingengabitekerezo, kandi ikaba ishingiye ku kubangamira byimazeyo iya “karinga”. Inshingano yitwa Kurwanya “Kagame” ntabwo ari ingengabitekerezo, ni ukuyoba no guta umurongo. Nimukomeza iyi nzira yo kwiruka ku muntu, kuri baringa, nabasezeranya ko Abana banyu bazahorana akarago ku mutwe, bahakwa na bene karinga, bo bafite ingengabitekerezo biteguye gupfira igihe cyose, uko ingoma zabo zisasimburana. Kagame ni umuntu nk’abandi navaho, Ibingira arahari, Kayumba, Rudasingwa, Kabarebe, Karenzi Karake, barahari, kandi bazakomeza bategeke bakoresheje « Jenoside yakorewe abatutsi ».

Abahutu muri ubu buhungiro basigaranye ikintu cyiza kiranga abantu b’ umutima: Gusenga Imana. None reka ndangize nsangira namwe ijambo rya Yezu dusanga muri Matayo 10:34-36: “Mwe gutekereza ko nazanywe no kuzana amahoro mu isi. Sinaje kuzana amahoro ahubwo naje kuzana inkota. 35. Kuko naje gutanya umwana na se, umukobwa na nyina, umukazana na nyirabukwe, 36. Abanzi b’ umuntu bazaba abo mu rugo rwe.”

Jean Paul Rugero Romeo

Ikazeiwacu.fr