INKURU NYAMUKURU
Kuwa Kane, 08 Ukwezi Kw’indwi 2010
Abayoboke b’amashyaka atavuga rumwe na Leta mu Rwanda barasaba urukiko kubafungura by’agateganyo kugirango babashe kwivuza. Bavuga ko polisi yabagaraguje agati bikomeye.

Jeanne D’Arc Umwana adufitiye iyi inkuru.

Nyuma ya Maitre Ntaganda Bernard washinze ishyaka PS-Imberakuri urukiko rwisumbuye rwa Nyarugenge mu mugi wa Kigali rwumvise abandi umunani bareganwa nawe. Ubushinzacyaha bubakurikiranyeho ibyaha byo kurema umutwe w’abagizi ba nabi no gukora imwigaragambyo itemewe. Bahakanye ibyo byaha.

Biregura bibanze cyane kw’iyicwa rubozo rikabije bakorewe na Polisi y’u Rwanda ikibata muri yombi. Nk’uko bagiye babigarukaho umwe ku wundi, bavuzeko abapolisi batandukanye babakubise bitavugwa bakoresheje ibintu bitandukanye: indembo, kubanyukanyuka n’inkweto, kubahonda kubibambasi by’inzu, no kubakubitisha ibibuno by’imbunda n’aya masotera cyangwa pistole. Umugore umwe watawe muri yombi urerwa muri urwo rubanza Muhirwa Alice wo muri FDU-Inkingi yabwiye urukiko ko yagaragujwe agati by’intanga rugero. Abapolisi b’abagore bamukubitaga nta kumubabarira umubiri wose wamwmbitse ubusa. Yavuze ko barambikaga ibiganza bye hasi bakabinyukanyuka n’inkweto z’akazi za butane abapolisikazi bambara.

Mu gihe yarimo atanga ubuhamya imbere y’abacamaza, Muhirwa yikubise hasi ararabirana. Urukiko ruhagarika iburanisha baramuhungiza ntibyagira icyo bitanga polisi yari ibarinze iracicikana bafata icyemezo cyo kumuterura, Polisi ihamagaza imodoka itwara abarwayi ambilansi iraza iramutwara. Imirimo y’iburanisha yakomeje nyuma y’iminota mirongo itatu. Uwunganira abarerwa yasobanuriye urukiko ko ibyabaye kuri Muhirwa ari ibisa n’ingaruka ry’iyicwa rubozo bakorewe.

Babwiye urukiko ko ibyo bavuga ari ukuri, barwereka ibikomere bitandukanye bafite kubice bigaragara by’umubiri, nko ku biganza no ku maboko. Babwiye urukiko ko baramutse bakuyemo imywenda rwakumirwa. Baba bambaye imyenda yabo isanzwe. Bemeza ko iyicwa rubozo bakorewe ryatangiye kubagiraho ingaruka zikomeye cyane, ku buryo bamwe byara amaraso bakanipfuna amaraso. Hari uwavuze ko ubwonko bwe bwahungabanye kubera ukuntu yakubiswe bitavugwa mu mutwe. Abandi bavuze ko bakuyemo imvune zikabije cyane zirimo nko gucika umugongo. Kandi ngo nta n’umwe muribo wigeze avuzwa. Abaregwa bagarutse no ku buryo bafunzwemo babwira urukiko ko bubangamiye cyane uburenganzira bw’ikiremwa muntu.

Basobanuye ko bafungiye mu kumba gato cyane badashobora kubona uko bicara cyangwa baryama bahora bahagaze bafunze amapingu amanywa n’ijoro. Basabye urukiko ko rwatesha agaciro inyandikomvugo zose bakorewe n’ubugenzacyaha ari nazo ubushinjacyaha bushingiraho bubashinja. Bazihakanye bavuga ko bazikoreshejwe nyuma yo gukorerwa iryo yica rubozo. Kandi bazikoreshwa na bamwe mu babakoreye ibyo bikorwa bya kinyamaswa.

Hari uwatangarije urukiko ko polisi ikimuta muri yombi yamusabye guhitamo urupfu cyangwa ubuzima. Yasobanuye ko bamusabaga gushinja Maitre Ntaganda Bernard na Madamu Ingabire Umuhoza Victoire ko bakorana n’umutwe w’iterabwoba wa FDLR.

Umwe muri abo bantu icyenda yavuze ko ntaho ahuriye n’ibikorwa bya PS-Imberakuri cyangwa FDU-Inkingi. Yasobanuye ko Polisi yamutaye muri yombi imwitiranya n’abari mu myigaragambyo y’ayo mashyaka, imyigaragambyo yaburijwemo na Polisi kuya 24 z’ukwezi gushyize.

Uretse Madamu Muhirwa Alice Utarabashyize gutanga umwanzuro we, abandi umunani bose bashoje basaba urukiko ko rwatesha agaciro icyifuzo cy’ubushinjacyaha cyo kuguma mu buroko rukabarekura kugirango babone uko bivuza umubiri wabo utarabora. Ubushinzacyaha bwo bwanzuye bushimangira ko bagomba kuguma mu buroko.

Uyu munsi nibwo uwunganira abo bantu icyenda agomba gushyikiriza urukiko umwanzuro wa nyuma. Urukiko rwisumbuye narwo nibwo ruza kumenyesha abaregwa itariki bazamenyeraho icyemezo ruzabafatira niba bazaguma mu gifungo cyanwa bazarekurwa by’agateganyo.

Jeanne D’Arc Umwana, Ijwi ry’Amerika i Kigali.

Nimwirebe uko Maitre Bernard Ntaganzwa bafungiwe mu bihome bya FPR

Samedi 10 juillet 2010 15h24 posté sur DHR

Dore uburyo ba Ntaganda babayeho. FPR yagaruye ya ngoyi twamagannye muri 59 yari yarajyanye na banyirayo none barayigaruye peeeee!

Dukurikije amakuru dukesha abanyarwanda bafunzwe mu minsi ishize bazira gusaba ko FPR yareka

abatavuga rumwe nayo bakagira uruhare mu miyoborere y´igihugu biciye muri demokarasi nyayo,

abo bakaba bari bimirijwe imbere n´urunani rw´amashyka atavuga rumwe na FPR ariyo PS-Imberakuri

ya Maître Bernard Ntaganda, Green Party ya Frank na FDU-inkingi ya Madamu Victoire Ingabire Umuhoza,

dore uko ba bicanyi ba Kagame bihishe muri FPR uko babafunze, nimwirebere ino foto iri munsi, niko

bafashwe, birababaje kandi biratangaje kubona umunyarwanda akora ibintu nkibi muri kino kinyejana,

yarangize ngo Police yabo (nkuko umuvugizi wayo Kayiranga ahora aamoka abeshyabeshya ) igendera

ku burenganzira bw´ikiremwamuntu, igakubita umudamu mu nda akava amaraso, igafunga abantu

ibabaoheye inyuma gutya, ikabafungira munzu zuzuyemo ibiheri nizindi parasites zitera indwara,....

Ibi byose régime ya Kagame igomba kuzabibazwa, ajye atekereza ibyabaye muri Roumanie mu myaka

ishize barimo kwibohoza ingoma ya Nikolae Ceausescu na madamu we Elena, imganinez vous nibiba kuri

Kagame ka Rutagambwa na Jeannette Murute-Ubarwe mwene Murefu!!!!!

Bashatse batanga ituze, iby´isi ni ZUNGURUKA kandi ngo BIZASHIRA TUBANE, ivogonyo ryabo barireke

bahe abanyarwanda b´ubwoko bwose amahoro yabo sibo babaremye