Dore inkuru tugezwaho n'ababa muri Zambia

Th. Rwaka
 

Dore inkuru uko yagenze; umwe mu banyarwanda b'abacuruzi ukorera mu mujyi wa Lusaka-Zambia(nanze gushyira izina rye  ahagaragara ku mpamvu  z'umutekano we, kuko yanashyizwe ku rutonde  rw'abakoze  Genocide urwo rutonde rukaba ruherutse kwoherezwa na
 Leta y'u Rwanda  irushyikiriza Leta ya Zambia), uyu mucuruzi rero  aherutse guhamagarwa  kuri Telephoni igendanwa abwirwa ko hari business ishyushye  bagira ngo bamuzanire; uwamuhamagaye yavugaga mu  kinyarwanda; yababwiye  ko ari kw'iduka rye, bamubwira ko yajya hafi  bakavugana ariko akaza n'imodoka, ntiyagiye kure rero, abamushakaga baraje, baramusuhuza bamubwira ko hari uwo bategereje ufite imari, bamusaba kuba  ategereje ari mu modoka ye! Nibwo haje abagabo babiri bamukubita  inkubara; bamwicaza hagati muri ya modoka ye bamwimura kuri
 Volant/Stearing, barashyushya bariruka. ubwo umwe muri
 abo bajura yahise  aba umushoferi, umucuruzi bamujyana batyo. Nyiri  ugushimutwa nawe  yatekereje ko ashobora kuba agiye aka NTAMABYARIRO Agnes,  maze yirwanaho arasimbuka akubita umugeri w'inkubara  uwari utwaye imodoka, ata EQUILIBRE/Loose control, maze imodoka  iragenda yitambika mu muhanda, nibwo igonganye n'izindi modoka irahagarara,ba  bashimusi babibonye bava mu modoka bayabangira ingata!  Umwe muri abo rero akaba yari umupolisi mukuru wo mugihugu cya  ZAMBIA, wari  waguririwe,ibintu byabaye akavuyo,birasakuza,  umupolisi ashaka  kwiregura avuga ko yaje gufata uriya mucuruzi kubera  ko bari bamubwiye  ko yibye telephoni igendanwa! (mobile/celullar phone)!
Ibyo byanze  gufata kuko uwo mucuruzi afite amafranga menshi akaba adashobora no kwiba phone (ni nko kubeshyera Rujugiro
ko yibye Phone!)Byanze gufata nibwo abo munzego zo hejuru basabye ko  ibyo bibazo byarangirira aho, nyamara byakomeje gukururana kuko ya  modoka yagonze  izindi modoka kandi ikaba yari itwawe n'umuntu wari mu  gaco kari  kayobowe n'uriya mupolisi!
Magingo aya ikibazo cyarazamutse kijyanwa muri  Perezidansi, none Leta ya  Zambia ikaba irimo gusaba Leta y'u Rwanda ibisobanuro
by'uburyo yohereza abantu gushimuta abanyarwanda bari muri
ZAMBIA, ikanashaka gukoresha abapolisi ba Zambia!

Ubushimusi bw'abanyarwanda bashimutwa na bene wabo  batumwe na Leta  burakomeje, ibi bikaba bibaye nyuma y'aho abanyarwanda
batagira ingano bakunze kurasirwa mu maduka yabo n'abantu bitwa ko ari abajura bitwaje intwaro, nyamara bikaba bigaragara ko
hari undi mugambi mubisha uba ubyihishe inyuma kuko abanyarwanda atari bo bonyine bacururiza muri Zambiya bonyine, nyamara baterwa
bakaraswa abenshi ni abanyarwanda! Bishatse kuvuga ko hari
abahabwa misiyo yo kwirenza aba bacuruzi ku mpamvu z'uRwango gusa.