FLASH: INKONGI Y’UMURIRO MU MADUKA YO MURI QUARTIER MATHEUS.

Nyuma yo gtwika za gereza n’abafungiwemo i Muhanga na Nyakiriba, ubu ba ba DMI rutwitsi bageze mu mugi wa Kigali, aho bamaze gushumika amaduka yo muri Quartier Matheus, ahantu hazwiho kuba amaduka agira ibicuruzwa bihendutse kandi byiza, ariko amazu akaba yari ashaje.

Kuva leta ya FPR yatangira gushushanya umugi wa Kigali bundi bushya, Kagame na ya sosiyete ya FPR Crystal Ventures, biyemeje kuzigarurira ibibanza byose biri mu gace kegereye inzu ya Kagame yitwa City Tower, akaba ubu ari yo nzu ndende cyane mu mugi wa Kigali. Ba nyiri amaduka asanzwe ahakorera, basabwe inshuro nyinshi kwimuka, baranangira, ndetse hari n’abo basenyeye ku ngufu, ariko biba iby’ubusa, none ubu hari gukora ingufu z’inkongi z’imiriro.

Banze kwimuka ku neza, nibura bakajyana utwabo, none babuze byose nk’ingata imennye! Cyokora nibihangane, kubera ko nta n’umuntu uri bubatabare. Bimaze kugaragara ko mu Rwanda, abantu basa naho bamaze kwakira, kwicwa, kurenganywa, gufungwa, nk’ibintu byemewe mu buzima busanzwe. Ariko birababaje.

 

Uwimana Joseph

Ikazeiwacu.fr