FPR-MAFIA: UMUCURANZI WO MURI NIGERIA, DAVIDO, UHERUTSE I KIGALI YARI AZANIYE PAUL KAGAME DIAMANTS ZA CHARLES TAYLOR.

Igihe u Rwanda rwizihizaga isabukuru y’imyaka 20 ngo yo kwibohora, abanyarwanda benshi ndetse n’abanyamahanga batangajwe no kubona Paul Kagame n’umuryango we bajya ku kibuga cy’indege i Kanombe, bagiye kwakira umucuranzi wo muri Nigeria witwa Davido. Abatekinisiye ba FPR babeshye mu binyamakuru ko Kagame ngo yari aherekeje umuntu cg ngo yari aje kwakira umushyitsi, maze ngo bakubitana na Davido nawe ageze ku kibuga, Davido ngo asaba ko yamusuhuza. Ibi n’ibinyoma byambaye ubusa; ukuri nuko Kagame yari yakereye kwakira Davido, kubera ko yari amuzaniye ubutumwa bukomeye azakuramo akayabo k’amadolari.

Amakuru yageze ku Ikaze Iwacu, aturutse muri Village Urugwiro, aravuga ko uyu mucuranzi, Davido ari we usigaye akora akazi ko guhuza ubucuruzi bwa magendu bwa Diamants, buri hagati ya Paul Kagame n’umuryango wa Charles Taylor, wahoze ari perezida wa Liberiya, ubu akaba afungiye i Lahaye mu Buholandi, aho yakatiwe gufungwa imyaka 50, kubera ibyaha by’ubwicanyi n’iby’intambara yakoreye mu gihugu cya Sierra Léonne.

Impamvu nyayo y’urugendo rwa Davido mu Rwanda, nti kwari ugucuranga, ahubwo Davido yari azaniye Paul Kagame akagunguru ka Diamants za Charles Taylor, umuryango we wifuzaga ko zigurishwa ku buryo bwihuta, kandi Kagame akaba afite abantu be bahora barekereje kugura imari nk’izo zishyushye. Izi diamants nizo Kagame yari agiye kwakira ku giti cye, kugira ngo hatagira n’inyoni izica iryera.

Aya makuru akomeza avuga ko ubusanzwe iyo Kagame agiye ku kibuga cy’indege, ndetse n’ahandi hose, abamurinda baba bafunze imihanda, bigijeyo abantu nta muntu ucabuka hafi aho. Ntabwo rero byari gushoboka ko Davido, yari guhura na Kagame ngo ku buryo butunguranye. Uku guhura kwari kwateguwe neza n’inzego z’iperereza za DMI, kugirango Davido abone uko aha Kagame izo diamants, kandi nawe ahite ahabwa commission ye.

Nkuko twigeze kubitangaza mbere, Kagame si ubucuruzi bwa diamants akora gusa, ahubwo ari no mu bucuruzi bw’amafaranga y’amakorano, ibyangombwa by’ibikorano nka za passports. Kagame ubu asigaye akoresha aba nya Nigeria kabuhariwe mu gucura ibyo byose, Davido rero n’umwe mu bakozi be muri iki gihe. Iyo mubona ingendo ahoramo muri Nigeria nta kindi aba agiye gukora, ni ugukora amanama n’abakaozi be. Bizwi neza ko nta buhahirane buzwi buri hagati y’u Rwanda na Nigeria. Aya manyanga yose Kagame ayakora abinyujije muri ambasade y’u Rwanda muri Nigeria, aho Joe Habineza yahindutse chef w’aba mafia aho kuba ambasaderi.

Amafaranga y’amakorano niyo Kagame akoresha muri za opérations ze zo kwica abatavuga rumwe nawe muri Afrika no hirya no hino ku isi. Amakuru Ikaze Iwacu ikesha umu DMI uzi neza iyi dosser, avuga ko Kagame n’abantu be bakora gusa amafaranga y’amanyafrika, ngo birinda gukora amadolari, kugira ngo inzego z’iperereza za USA zitazabacakira. Ubu rero ntihazagire utangazwa nuko Davido mu minsi iri imbere azajya aza gucurangira mu Rwanda inshuro nyinshi, cyangwa se akajya mu bindi bihugu byo mu karere, aho azajya abanza kuza mu Rwanda muri business ye na Kagame, gucuranga ni agakingirizo gasa!

Andi makuru twamenye nuko nyuma yo gucurangira kuri Stade Amahoro, Davido yatumiwe mu rugo kwa Paul Kagame, aho yacuranze indirimbo ye ikunzwe cyane yitwa « AYE ». Muri iki gitaramo kidasanzwe kwa Kagame, ngo nta ba gafotozi bari bemerewe gufata ifoto cyangwa video.

Amateka y’umubano wa Paul Kagame n’umuryango wa Charles Taylor

Paul Kagame yamenyanye na Charles Taylor guhera mu 1998. Aba bicanyi kabuhariwe bombi bahujwe na Viktor Bout, wa murusiya wari kabuhariwe mu guforoda intwaro n’amabuye y’agaciro cyane cyane za diamants na zahabu, akaba yarakoranaga bya hafi n’aba bicanyi bombi. Charles Taylor yabaga ari gusahura igihugu cya Sierra Léonne, Kagame nawe ari kogogoza igihugu cya Congo, ibyo basahuye bikagurishwa na Viktor Bout iyo mu mahanga.

Iyi mikoranire ni nayo yatumye Charles Taylor asaba ko yaza kurangiriza igihano cy’imyaka 50, yakatiwe n’urukiko mpanabyaha mpuzamahanga (ICC) mu Rwanda, kubera ko yumvaga ko Kagame yari guhita amushyira muri appartement, bakajya babeshya ko aba muri gereza.

Mu 1998, abakozi bagurishaga diamants za Charles Taylor ni bo bahuje Paul Kagame na Karl Heinz Albers, wa muherwe w’umudage wagiye aha Kagame amafaranga menshi yo gukora imitwe yitwaje intwaro muri Kivu y’amajyaruguru, aho bacukuraga amabuye adasanzwe muri Rutshuru ahitwa Lueshe (Lueshite). Izi ntambara zaguyemo za miliyoni z’abacongomani kandi n’uyu munsi baracyapfa, bazira inyota y’amafaranga ya Paul Kagame n’abambari be bacuruza amabuye y’agaciro bayobowe na Karl Heinz Albers n’inshuti ye magara y’umuyahudi, Gertler Earns.

 

Izindi mpamvu zituma Charles Taylor ashaka kurangiriza igihano cye mu Rwanda:

Nyuma y’aho aterewe muri yombi ku mupaka wa Nigeria na cameroon muri Werurwe 2006, umuryango wa Charles Taylor, bamwe mu bari abaministre be, ndetse n’izindi nshuti za hafi, bazinze akarago bava muri Nigeria bahungira mu Rwanda, na n’ubu akaba ari ho batuye. Nta kandi kazi bakora i Kigali, uretse gucuruza amabuye y’agaciro, Paul Kagame asahura muri Congo.

Umugore wa Charles Taylor, Jewel Taylor, nawe yimukiye mu Rwanda, nyuma y’uko Muammar Gaddafi ahiritswe ku butegetsi muri Lybiya, aho yari yarahungiye. Ahungira mu Rwanda, umugore wa Taylor yimukanye umutungo wose yari yarasigiwe n’umugabo we, harimo za miliyoni nyinshi z’amadolari, Charles Taylor yari yarahishe mu ma banki yo muri Lybiya. Ubu yibereye mu Rwanda, aho abayeho nk’umwamikazi, n’umuryango we, bakaba baraguze imigabane myinshi muri MTN Rwanda, isosiyete y’itumanaho rya telefoni mobile ya FPR.

Umuryango wa Charles Taylor’s kandi ufite amazu menshi i Nyarutarama na Kibagabaga, ubu baratuye neza cyane kandi Jewel Taylor n’inshuti magara ya Paul Kagame, kuri we, kujya muri Village Urugwiro ntibisaba kuvunyisha. Uyu mudamu niwe ugira inama, Jeannette Nyiramongi mu bucuruzi bwo gukoresha amafaranga y’amakorano no gusahura isanduku y’igihugu, akanamwereka uko bahisha amafaranga mu bihugu by’amahanga. Kugeza uyu munsi umuryango wa Taylor washoboye guhisha amafaranga yose bibye bakiri ku butegetsi muri Liberiya.

Nubwo afunze, Charles Taylor aracyacunga amafaranga ye menshi ahishe muri za banki muri Afrika no mu Bushinwa. Umuhungu we witwa Phillip Taylor ni we uzi ama kode y’izo konti, ise yagiye abitsaho hirya no hino. Iyo Taylor aza kwemererwa kuza gufungirwa mu Rwanda, Paul Kagame yari kiba asakiwe, kuko yari guhabwa akayabo ko kuba yemeye kumwakira no kuzamufata neza. Ariko ibyo Charles Taylor, Paul Kagame n’abambari babo bapanze byaburiyemo, kubera ko urukiko rwihariye rwa ONU kuri Sierra Léonne, rwateye utwatsi icyifuzo cya Taylor cyo kujya gufungirwa mu Rwanda.

Ubu akaba ari yo mpamvu aba bicanyi bombi bakomeje ubucuruzi bwabo ku bundi buryo: gukoresha aba commissionaires nk’umucuranzi Davido uzajya yitwikira ijoro ngo agiye gukora ibitaramo i Kigali kandi ajyanye za Diamnats cyangwa se za busunzu z’amafaranga y’amakorano. Abakeka ko ngo bazavana FPR ku butegetsi nibabanze bige neza, bamenye uwo wabahanganye ari muntu ki? FPR n’umutwe w’iterabwoba kandi ukora Mafia, nonese ubwo muzawuvanishaho amatora? Tubitege amaso.

Murebe uko Kagame yasutse abanyarwanda umukungu mu maso ku itariki ya 04-07-2014 ngo abahaye concert y’ubuntu ya Davido, kandi ari agakingirizo ka za Diamants yari yamuzaniye:

 

Gasigwa Norbert

Ikazeiwacu.fr